27 мартка һава торышы
Бүген, 27 мартта, Татарстанда температура фонының күтәрелүе көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада аязучан болытлы һава торышы булачак. Иртән урыны белән җепшек кар һәм яңгыр ява, көндез явым-төшем туктый. Моннан тыш, иртәнге сәгатьләрдә кайбер урыннарда, шулай ук Казанда томан саклана.
Көнчыгыштан һәм көньяк-көнчыгыштан секундына 3-8 метр тизлектә җил исә. Иртәнге сәгатьләрдә төбәк юлларында урыны белән бозлавык барлыкка килүе ихтимал.
Төнлә һава температурасы -2..+3 градус тәшкил итсә, көндез Татарстанда термометрның терекөмеш баганасы +7..+12 градуска, ә көнчыгышта кайбер урыннарда +15 градуска (ТР башкаласында +10..+12 градуска) кадәр күтәреләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев