Чирмешән районында май аенда уртача 2,2 миллиметр яңгыр яуган

Район авыл хуҗалыгы һәм азык-төлек идарәсе консультанты, агроном Рауфан Шәйхетдинов әйтүенчә, районда май аена уртача нибары 2,2 миллиметр яңгыр яуган, апрельдә - 1,1. Чәчелгәннәр дымга туенсын өчен оптималь күрсәткеч 45 - 50 миллиметр тирәсе.

-Бераз яуган яңгыр сулары кызган табага салган сыман  гына булды. Хәзер яздан чәчелгәннәр, мисал өчен арпа,  башак кыса, формалаша башлады. Алар тулсын өчен явым-төшемнәрнең бик кирәк вакыты, – ди белгеч.

Белеп торыгыз. Явым-төшем миллиметры – әгәр явым-төшем туфракка сеңмәсә, агып китмәсә һәм парга әйләнмәсә, шулкадәр күләмдә су катламы хасил булыр иде. 1 миллиметр  явым-төшем - бер квадрат метрга бер литр суга тиң.

Марат Гомәров фотосы