Чирмешән районында комбайннарга эш байтак әле
Район авыл хуҗалыгы һәм азык-төлек идарәсеннән 3 сентябрьдә алынган мәгълүматлар буенча, районда игеннәрне урып-җыю эшләре 19525 гектар мәйданда башкарылган, бу тиешленең 56,7 проценты. Гектар көче уртача алганда 27 центнер тәшкил итә.
Урак эшләре “ЧИРМЕШӘНАГРОХЕЗМӘТЛӘРЕ” җәмгыятендә барлык мәйданнарның 74 процент өлешендә, “БИО-АГРО”да - 73, “ЧИРМЕШӘНАГРО”да – 70, “Тепсуркаев В.Ә” крестьян-фермер хуҗалыгында - 69,8, “Әккәрәй”дә 64 процент өлешендә башкарылган. Уңдырышлылык буенча иң югары күрсәткеч “БИО-АГРО”да - гектарыннан 30,6 центнер.
Хуҗалыкларда көзге чәчү эшләре дә дәвам итә. Чәчелергә тиешле 12402 гектар мәйданнарның 6029 гектарында орлыклар җиргә күмдерелгән, бу тиешленең 49 проценты. “БИО-АГРО” хезмәтчәннәре чәчеләсе кыр мәйданнарының – 80, чирмешәнагролылар 64 процент өлешендә бу эшне төгәлләгәннәр.
Следите за самым важным и интересным в Telegram-каналеТатмедиа
Нет комментариев