Чирмешән районы хуҗалыкларында чәчәсе мәйданнар байтак әле

Район авыл хуҗалыгы һәм азык-төлек идарәсеннән 18 майга алынган мәгълүматлар буенча, ике хуҗалыкта: “Кара Чишмә”дә, “Камалова Р.И.” крестьян-фермер хуҗалыгында дым каплатасы мәйданнар да бар әле.

Инде язганыбызча, “ЧИРМЕШӘНАГРО” чәчү эшләрен кыска тотып, районда беренче булып әлеге мәшәкатьләрдән котылды. Хәзер монда чәчелгән үсентеләрне корткычларга, авыруларга каршы эшкәртәләр һәм тукландыралар. Мондый эшләр “БИО-АГРО” җәмгыятендә дә башкарыла.

“Әккәрәй” җәмгыятендә тиешле мәйданнарның 86,6 процент өлешендә чәчкечләр узган, “БИО-АГРО”да бу күрсәткеч 82,9, “Ильхан”да – 73,6, “Сөлчә”дә – 73,3, “Тепсуркаев В.Ә.” крестьян-фермер хуҗалыгында 67,7 процент тәшкил итә.

“Кара Чишмә”дә, “ЛидерТрейд”та чәчү темпларын ашыктыру зарур.