Чирмешән районы күмәк һәм крестьян-фермер хуҗалыклары сөт җитештерүне арттырганнар

Бу яктан, үсеш ягыннан, иң яхшы күрсәткечләр “Ильхан”да (плюс 20,8 тонна) һәм “Әккәрәй”дә (плюс 62,5 тонна).

Сөт терлекчелегендә, 24 нче форма отчет күрсәткечләре нигезендә, “Андреевка” җәмгыяте рейтингта беренче урында, “Ильхан” – икенче, “Әккәрәй” – өченче.

Крестьян-фермер хуҗалыклары арасында “Якимов И.С.” хуҗалыгына иң күп баллар куелды. “Кадермиев И.Ә.” – икенче, “Ибәтуллина Р.С.” – өченче.

Ит терлекчелегендә һәм мөгезле эре терлек симертүчеләрдән, крестьян-фермер хуҗалыклары буенча “Фәтхетдинов И.И.” хуҗалыгы алда, “Гатин Д.М.” – икенче, “Гыйльметдинов И.Г.” өченче булдылар.

Әлеге алдынгыларны районның авыл хуҗалыгы товар җитештерүчеләренең район башлыгы Рамил Айбатов катнашында узган киңәшмә-очрашуда бүләкләделәр.

“ЧИРМЕШӘНАГРО”ны уза алмадылар

Бу елның язгы кыр эшләренә үткәрүгә әзерлек буенча конкурста “ЧИРМШӘНАГРО” җәмгыяте иң югары бәя алды.

Районның агропромышленность комплексы оешмалары арасындагы әлеге бәйгедә “БИО-АГРО”га – икенче, “Тепсуркаев В.Ә.” җәмгыятенә өченче урын бирделәр.

Комиссия техника торышына, хезмәтне саклауның ничек куелышына, башка кайбер параметрлар буенча да бәя куйды.

Ильяс Гатин фотолары