Котлыйбыз!

Чирмешән урман хуҗалыгы директоры
НИКОЛАЙ ЛЕОНИДОВИЧ КВАКОВка 22 февральдә 45 яшь тула.

Хөрмәтле Николай Леонидович, ихлас күңелебездән олуг юбилеегыз белән тәбрик итәбез. Без сезне гадел, ярдәмчел булганыгыз, башлаган эшегезне ахырына кадәр җиткерә белүегез өчен ихтирам итәбез. Һөнәри осталыгыгыз, максатка ирешә белүегез, тырышлыгыгыз белән аерылып торасыз. Сезгә киләчәк көннәрдә шатлык-куанычлар, зурдан-зур уңышлар, корычтай нык сәламәтлек, озын гомер һәм зур бәхет телибез. Тормыш иптәшегез Ләйсән Тәбрис кызы белән тигезлектә, бер-берегезнең кадерен белеп, үстергән өч кызыгызның яхшы хәбәрләренә куанып, рәхмәтләргә һәм рәхәтләргә төренеп яшәвегезне телибез.
Дөнья тыныч, еллар имин булсын,
Тормышыгызда булсын бәрәкәт.
Олы җаныгыз, изге күңелегез өчен
Барыбыздан Сезгә мең рәхмәт!

Ихтирам белән, Чирмешән урман хуҗалыгы һәм
урманчылык коллективлары.