Котлыйбыз!

Лашман авылында яшәүче
ФИДАНИЯ ВӘЛИ кызы ГАФФАРОВАның
10 июньдә туган көне – 75 яшьлек юбилее.

Сабыр, изге күңелле, нигезебезнең кояшы булган әниебез! Сине күркәм юбилеең белән ихлас күңелдән котлыйбыз, җан тынычлыгы, күңел көрлеге, шатлык-куанычлар телибез. Мул, имин тормышта балаларыңның, оныкларыңның игелеген, гомер буе кылган яхшылыкларыңның әҗерен күреп, рәхәттә, бәрәкәттә, сау-сәламәт булып яшәргә язсын.
Әни, диеп әйтер кешең булу –
Нинди бәхет бит ул дөньяда.
Шатлыкларың булса уртак була –
Кайгыларың булса – югала.
Уйлама әле, картаям, дип,
Шат-көләч бул, сүнмә-сүрелмә.
Кадер-хөрмәт күреп үтсен гомерең,
Урыннарың булсын гел түрдә.

Иң изге теләкләр белән,
улларың Рәфис, Рәис, Рәмис, Радик, Рөстәм һәм киленнәрең, оныкларың.