котлаулар

Югары Чегодай авылында туып, хәзер Чирмешәндә

гомер итүче кадерле туганыбыз Мәссарова Наилә Сабирҗан кызының

6нчы гыйнвар көнне олуг юбилее.

Туганнары өчен төпсез упкыннарга ташланырга, таш-кыялар җимерергә әзер булган кадерле туганыбыз! Сине ихлас күңелдән күркәм юбилеең белән котлыйбыз. Син һәрвакыт яхшы күңелле, сабыр, кешелекле, олы җанлы, ярдәмчел, ягымлы туган. Сиңа гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр синең күңелеңне һәрчак яктыртсын, балкытып торсын. Таң җилләренең назлысы, җан тынычлыгы, чиксез бәхетләр, эшеңдә зурдан-зур уңышлар сиңа. Балаларыңның, оныкларыңның игелеген күреп, шат күңелле булып озак яшә. Иңнәреңдәге рәхмәт фәрештәләре сине беркайчан да ташламасын. Без сине ихлас күңелебездән ихтирам итәбез һәм яратабыз!