Чирмешән районында юл һәлакәте: өч кеше имгәнгән

Районның ЮХИДИ бүлекчәсеннән хәбәр  итүләренчә, авария  Лениногорск районыннан булган КамАЗ йөртүчесе гаебе белән килеп чыга.

-Ул юлчылар оешмалары ягыннан килеп, сулга, “объезднойга” борылганда, Чирмешән ягыннан менүче RENAULT автомашинасына юл бирмәгән. Чит ил машинасы йөртүчесе, молодец, вакытында уңгарак алып, бәрелү көчен киметә. Тик барыбер  имгәнүләрдән котыла алмыйлар: җиңел машинадагы Туймәт авылы кешеләрен – машина йөртүчене һәм ике пассажирны Әлмәт больницасына озатырга туры килде. Шөкер, аларны табиблар тикшереп, кире кайтарып җибәргәннәр, бәлага таручылар инде үзебездә дәваланалар, - ди районның ЮХИДИ бүлекчәсе инспекторы Сергей Барабашкин.

фото: Сергей Барабашкин