Юл хәрәкәте
Чирмешән районында “җиделе” йөртүче аркасында авария булган
Бүген иртәнге тугызларда “Кармалка борылышы” янында ВАЗ-2110 - “унлы” җиңел машинасы юл кырыена төшеп китә. Аңа “Җиделе” машинасы йөртүчесе юл бирмәгән.
Районның ЮХИДИ бүлекчәсеннән хәбәр итүләренчә, Кармалка ягыннан килүче, Түбән Кармалка кешесе идарә иткән ВАЗ-2107 йөртүчесе Чирмешән уңаена, олы юлдан барган “унлы”ны күреп өлгерми һәм юлга чыга. Ә “унлы” йөртүчесе - Әккәрәй кешесе, хәлне чамалап, “җиделе”гә бәрелмим, дип юл кырыена төшеп китә.
-Машинасына зыян килсә дә, шөкер, аның сәламәтлегенә зыян булмаган, - ди районның ЮХИДИ бүлекчәсе өлкән дәүләт инспекторы Рәмис Шәкүров.
фото: Рәмис Шәкүров
Следите за самым важным и интересным в Telegram-каналеТатмедиа
Нет комментариев