-Космоска ук очарга хыялланмыйм, әмма планнарым бар, - ди Ивашкинода яшәүче Виталий Никонов. –Абзарны төзеп бетергәч, азык кухнясы ясарга тотынам. Мунчабыз да искерде, гаражны да капкалы итәсе бар.
Безнең Якты Тау авылында Дальняя дип аталучы урам бар, 1 километрлап озынлыкта ул. Анда минем әти-әни яши. Андагы хәлләрне күреп редакциягә мөрәҗәгать итүем. “Дальняя” халкы мәчеткә инеш аша салынган начар гына басмадан йөри, тик аны да кондызлар басты. Бабайларга шушы җәнлекләр ясаган буаны даими ерып җибәрергә туры килә, яки 100 метр араны икенче урамнан 2 километр әйләнеп узарга кирәк. Шушы уңайдан олыларыбызга ярдәм итү җаен тапмаслармы икән?
