Йөзүче укучылар Лашман мәктәбе бассейнын “кыздырдылар”
Лашман урта мәктәбе бассейнында район мәктәпләре укучылары арасында район беренчелегенә йөзү буенча ярышлар узды.
Әлеге мавыктыргыч бәйгедә ун мәктәптән 60лап яшь йөзүче катнашты. Укучылар чалкан йөзү, ирекле һәм брасс стилендә үз осталыкларын бар яктан да күрсәтә алдылар. Яшь спортчылар унсигез дистанциядә ярышты.
Лашман, Ивашкино, Чирмешән кадетлар мәктәп-интернаты, Иске Элмәле, Чирмешән лицее, Әккәрәй, 1 нче һәм 2 нче Чирмешән мәктәпләре спортчылары судагы осталыклары белән аерылып тордылар. Әлеге мәктәп укучылары җиңүчеләр һәм призерлар арасында. Беренче, икенче, өченче урын ияләренә медальләр һәм грамоталар тапшырылды.
Ярышларның иганәчеләре - Лашман мәктәбе директоры Фаиз Билялов һәм Чирмешән укучыларының әти-әниләре.
Следите за самым важным и интересным в Telegram-каналеТатмедиа
Нет комментариев