Чирмешән укучылары хезмәткә һәм оборонага әзерлек нормаларын тапшыра
Мәктәп укучылары арасында хезмәткә һәм оборонага (ГТО) әзерлек нормаларын үтәү буенча чаралар башланып китте. Беренче булып Чирмешән балалар спорт мәктәбенең 12 волейболчысы көчләрен сынап карады.
Волейбол секциясендә шөгыльләнүче 13-15 яшьлек яшүсмерләр (4 баскыч ГТО) һәм 16-17 яшьлекләр (5 баскыч) гимнастика эскәмиясенә таяну (сыгылмалылыкка күнегү), идәндә ятып этелү, урыннан ераклыкка сикерү, аркада ятып тору (пресс) буенча ГТО нормаларын үтәделәр.
-ГТОның аерым билгесен алу өчен, уку елы дәвамында өч мәҗбүри һәм сайлап алынган дүрт сынау үтәргә кирәк, – диде Чирмешән районында ГТО тесты үзәге җитәкчесе Ольга Галиева. – Ел ахырына укучыларның алтын, көмеш яки бронза билгегә тапшырган җиде нормативы булырга тиеш.
25 ноябрьдә ГТО нормаларын Әккәрәй һәм Шешминка мәктәпләре укучылары тапшырачак.
Күнегүләрне башкару укучылар арасында чын көндәшлек уята, һәр катнашучы чираттагы баскычны узарга, кирәкле нәтиҗәләргә ирешергә омтыла, иптәшләренә теләктәшлек күрсәтергә тырыша.
Ольга Галиева фотолары
Следите за самым важным и интересным в Telegram-каналеТатмедиа
Нет комментариев