Спорт
Чирмешәндә волейбол буенча район чемпионатының җиңүче командасын 25 мең сум акчалата бүләк көтә
Узган атнада волейбол буенча районда башланган чемпионат бәйрәм көннәрендә төгәлләнәчәк. Бәйге җиңүчеләре 23 февральдә – Ватанны саклаучылар көнендә һәм 8 мартта – Халыкара хатын-кызлар көнендә ачыкланырга тиеш.
Районның яшьләр эшләре һәм спорт бүлегеннән хәбәр итүләренчә, ир-егетләр һәм хатын-кызлар арасында беренче урыннар алучы ике командага - 25шәр мең сум, икенче урынга – 20шәр, өченчегә – 15шәр, дүртенче урын алучыларга 10шар мең сум күләмендә акчалата бүләкләр әзерләнгән.
Чемпионатта авыл җирлекләре, оешма, учреждение командалары - 18 яшьтән кече булмаган якташларыбыз катнаша.
фото: архив
Следите за самым важным и интересным в Telegram-каналеТатмедиа
Нет комментариев