Ольга Ивановнага шәхси мәсьәләләр белән дә мөрәҗәгать иттеләр, халык мәнфәгатьләрен кайгыртып йөрүчеләр дә булды.

Нурлат егете, картинг буенча тренер Ленар Гарифуллин Чирмешән балаларын картингта йөрергә өйрәтә һәм әлеге шөгыльне бик мөһим дип саный.

-Картинг – клубта балалар машина төзелешен, аны йөртү күнекмәләрен, юлда йөрү кагыйдәләрен өйрәнәләр. Аннан соң балаларның юк-бар белән мавыгырга вакытлары да калмый, алар начар гадәтләрдән арыналар,  - ди Ленар Рәис улы. – Балалар үзләре дә  бик теләп шөгыльләнәләр. Кайберәүләр инде ярышларда да катнашкалыйлар. Ләкин картинг машиналары өчен махсус трасса кирәк. Депутат әлеге проблеманы хәл итүдә булышмасмы икән дип килдем.

Ольга Павлова һәр кешене игътибар белән тыңлады, киңәшләр, консультация бирде, проблемаларын чишү юнәлешендә юл күрсәтте, сорауларны шәхси контрольга алды.

Фото: автор