Безнең Чирмешән

Чирмешән районы

Рус Тат
Менә сиңа мә!

Наил Табанаков хатынына һәйкәл куярга әзер

Аның үзенчәлекле, башкаларныкына охшамаган, моңлы да, мәгънәле дә җырларын күпләр һаман да көйләп йөридер. «Иҗат кешесе акыллы булмый, комбайнның двигателе тавышына да көй килеп, җырлап бара идем», - дип сөйли ул. «Интертат» җырчы, автор-башкаручы Наил Табанаковның сәхнәдән югалу сәбәпләрен ачыклады

– Ялгышмасам, сезне 90нчы елларда группировкада торган, дип сөйләделәр. Дөресме? Ул еллар сезне нәрсәгә өйрәтте?

– Авыр сорау инде бу. Ул вакытларда андый төркемдә булып карамаган кеше булмагандыр инде. Күп гөнаһлар эшләдек. Кичерелә торганмы, белмим, бер Аллаһы Тәгалә үзе белә. Кемнедер газаплап, елатып, малае аркасында кемнеңдер әнисен елатып… Ул вакытта кешедән акча таламыйлар иде. Бөтен әйберне сөйләп бетереп булмый. Ул вакытта талау күп, илнең таркалган вакыты, беркемгә бернәрсә кирәкми иде. Аллаһы Тәгалә кеше үтерүдән саклады, андый нәрсә булмады.

– Иҗат кешесе булу авырмы?

– Чын иҗат кешесе — ул акыллы кеше түгел. Үземнән чыгып әйтәм, кечкенәдән комбайнда әтинең ярдәмчесе булып эшләгәндә, комбайнның двигателе тавышына да көй килеп, җырлап бара идем. Без акыллы кешеләр түгел. Минем белән яшәргә авыр. Минем белән торганы өчен тормыш иптәшемә һәйкәл куяр идем. Кәеф үзгәрүчән, авыр булса, каядыр китеп, бер үзем калырга яратам. Миңа үпкәләп, борыннарын салып, сөйләшми йөрүләрен дә өнәмим.

Сәхнәдән киткәч, күңел төшенкелегенә бирелдем. Хатын олы кыздан соң миңа 12 ел бәби алып кайтмады. Сәхнәдән киткән вакытта кече кызыбыз Дилия туды. Аның тууы миңа күбрәк булышты инде. Олы кызым да «әти» дип торгач, балалар хакына алга атларга көч таптым.

 

чыганак

Следите за самым важным и интересным в Telegram-каналеТатмедиа

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев