Безнең Чирмешән

Чирмешән районы

18+
Рус Тат
2024 - Гаилә елы
Мәдәният

Чирмешән районының Сосновка авылы кызы Казандагы концерттан затлы тун алып кайтты

Сосновка авылыннан Анна Иванова Казанның “УНИКС” концертлар залында узган "Созвездие-Йолдызлык" республика ачык телевизион яшьләр эстрада сәнгате фестивале гала-концертыннан затлы тун һәм диплом алып кайтты.

Чуваш телендә ике җыр – берсе данлыклы “Катюша” - башкарган якташыбызны оештыручылар затлы бүләк һәм “Җиңүгә омтылыш өчен” дипломы белән сөендергәннәр. Республикабыз шәһәр һәм районнарыннан дистәләрчә яшь талантлар катнашкан бу фестивальнең саллы бәйгесе гала-концертында әнә шулай таныл әле син!

-Аняга – 15 яшь. Ул безнең район мәдәният йортында эшләүче  “Чирмешән энҗеләре” вокал түгәрәгенә инде дүрт-биш еллап Сосновкадан йөреп шөгыльләнә. Бик тырыш, сәләтле кыз, - ди аның хакында җитәкчесе, район мәдәният йорты директоры Әлфия Закирова.

Әлфия Мөсәет кызы әйтүенчә, районыбыздан Лилия Гатина да “Пирамида” мәдәни күңел ачу үзәгендә, "Созвездие-Йолдызлык"ның 29  сентябрьдә узачак гала-концертында, конферанс номинациясендә чыгыш ясаячак икән. Әлеге Кармыш авылы кызын әнисе Гөлия Гатина әзерли. Аңа да - ”Татар кызы” бәйгесендә җиңү яулап танылган Гөлназ Гатинаның сеңелесенә уңышлар телибез.

Әлфия Закирова фотолары.

Следите за самым важным и интересным в Telegram-каналеТатмедиа

"Безнең Чирмешән"нең Яндекс Дзен һәм Телеграм каналында иң мөһим, кызыклы вакыйгаларны күзәтегез.


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X