Чирмешәнлеләр “Халык участковые“н сайлый

Полиция хезмәткәрләренә ышанычны арттыру, әлеге хезмәтнең дәрәҗәсен күтәрү максатында ил күләмендә "Халык участковые" бәйгесе игълан ителде.

Конкурсның беренче этабы, халык тарафыннан онлайн-тавыш бирү рәвешендә, 11нче сентябрьдән 20 сентябрьгә кадәр узды. Ә инде 7-16 октябрьдә, икенче этапта, татарстанлылар республика буенча иң яхшы участковый өчен Россия Эчке Эшләр Министрлыгы сайтында (16.мвд.рф) тавыш бирәчәк. Аның өчен "Народный участковый - 2017" дип аталган махсус биткә керергә кирәк. Анда исемлектән участковыйлар хакында мәгълүматлар белән танышып, гражданин үзе иң яхшы дип таныган участковый өчен тавыш бирә ала. Быел бу бәйгедә безнең районнан участок уполномоченные, Россия ЭЭМның Чирмешән районы бүлекчәсенең полиция капитаны Илшат Галимов катнаша.

Бер IP-адрестан тәүлегенә бер тапкыр тавыш бирергә мөмкин.