Югары Кармалка терлекчесе трактор куып киткән. Бу гамәле өчен аңа 10 мең сум штраф салалар

“Чирмешән агрохезмәтләре” җәмгыятендә терлекче булып эшләүче Рөстәм Куручбаев ферма территориясендә торучы “Елазовец” тракторында йөрисе килгәч, озак уйлап тормый, әлеге техниканың (МТЗ-82 тракторы нигезендә) кабинасына менеп утыра да, кабызып, сәяхәткә чыгып китә. Җинаять кылу турында аның башына да килми,ул бит тракторны урларга дип уйламый да. Ләкин техниканы рөхсәтсез куып киткән өчен, Җинаять кодексы матдәсе буенча җаваплылык каралган. Район судыКуручбаевка 10 мең сум күләмендә штраф салган.

Кадыйр Гомәров фотосы