Безнең Чирмешән
  • Рус Тат
  • Чирмешән районында көпчәкләр урлаучыларны эзлиләр

    Нагорный поселогында угрылар төнлә берәүнең автоприцеп көпчәкләрен салдырып киткәннәр. Матди зыян күләме 4 мең сум. Әлеге уңайдан тикшерү бара.

    Гомумән,   8-14 октябрьдә район полиция бүлекчәсенең кизү частенда 37 хәбәр кабул иткәннәр. Бу чорда җинаять эшләре кузгатылмаган.

    Район үзәгендә яшәүче берәү сентябрь аенда пневматмик пистолет белән әтисенә үтерү белән янаган булган. Күптән түгел әлеге гражданин әти-әнисенә карата тагын хулиганлык гамәлләре кылган.

    Бер авылда ир-ат элеккеге хатынының өендәге ярты литр балына кызыккан. Матди зыян күләме зур түгел, әмма бу факт та тикшерелә. Бер райондашыбызның  банк картасыннан  3116 сум акчасы югалу уңаеннан да тикшерү бара. Урманасты Үтәмеш авылы янындагы кырда трактор электр баганасына бәрелгән.

    Район юлларында  дүрт юл-транпорт вакыйгасы булган - матди зыян белән, аларда имгәнүчеләр юк. Юлда йөрү кагыйдәләрен санга сукмауның  68 очрагы теркәлгән.

    Полиция хезмәткәрләре коронавирус чирен кисәтү максатында  рейдлар үткәрә, тәртип бозучыларга карата беркетмәләр төзелгән. Районда шулай ук “Урам”, “Лесовоз”, “Җәяүле” профилактик операцияләре уздырыла.

    Әлеге мәгълүматлар Россия ЭЭМның район бүлекчәсеннән алынды.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: