Чирмешән районында берәүне ялган дипломы өчен хөкем иткәннәр
Чирмешән районының 1 нче санлы суд участогы җәмәгать судьясы эшкә урнашканда югары белем хакында ялган диплом файдаланган 32 яшьлек хатын-кызга карата җинаять эшен тикшерде.
-Хөкем ителүче интернет аша Казан (Идел буе) Федераль университетының Алабуга шәһәрендәге филиалын “Педагогока һәм психология” белгечлеге буенча педагог-психолог, коррекцион-педагогик эшчәнлек укытучысы” квалификациясе бирүче дипломга заказ бирә, - дип хәбәр итте район прокуроры ярдәмчесе Алексей Крутиков. -Ул бу документны Чирмешән үзәк китапханәсенә, өлкәннәр һәм инвалидлар йорт-интернатына, район хәрби комиссариатына, шулай ук район мәдәният йортына эшкә урнашканда файдалана һәм әлеге учреждение җитәкчеләренә тиешле квалификациясе булуы хакында ялган мәгълүмат ирештерә.
Җәмәгать судьясы хөкем ителүгә 7 мең сум күләмендә штраф җәзасы биргән.
фото: автор
Следите за самым важным и интересным в Telegram-каналеТатмедиа
Нет комментариев