Чирмешәндәге үзәк мәчеттә яңа бүлмәләрне октябрь аена өлгертмәкчеләр
Чирмешәндәге үзәк мәчет бинасының нигез катында хатын-кызлар өчен уку залы, аш-су бүлмәсе булачак. Бүген биредә ремонт эшләре бара.
Моңа кадәр мәчетнең подвал өлешен тыштан җылытып, су кермәслек итеп изоляция ясадылар, яңа пластик тәрәзәләр куйдылар, ут-күз очрагына запас чыгу юлы ачтылар.
-Хәзер идәннәргә җылыткыч үткәргечләр сузабыз. Аннан соң стеналарны тигезли башлыйбыз. Канализация челтәрләрен үзәк системага тоташтырдык. Мәчет кибете янәшәсендә кечкенә генә, 8 метрга 3 метр зурлыктагы, кафе бастырмакчыбыз, анда көнчыгыш халыклары аш-сулары тәкъдим ителәчәк. Ниятебез - барлык ремонт эшләрен октябрь аена төгәлләү. Халык нык булыша, барчасына да рәхмәт, - ди үзәк мәчет имамы Шәүкәт Хәйруллин.
фото: автор
Следите за самым важным и интересным в Telegram-каналеТатмедиа
Нет комментариев