Чирмешәндә хәләл кафе була

Кадрия Гамирова, 7 август 2022 - 13:31

2382

Чирмешәннең үзәк мәчете янындагы кибет янәшәсендә хәләл кафе да булачак. Аны кибет хуҗасы Рашат Гатин төзетә.

-Юлаучылар, мәчеткә килүчеләр хәләл туклану урыны юкмы дип сорыйлар, бу кафе шуны истә тотып төзелә, - диде үзәк мәчет имамы Шәүкәт Хәйруллин. – Ул безнең өчен дә бик уңайлы булачак.

Кафеда төзелеш эшләре төгәлләнеп килә, бары җиһазлар урнаштырасы, вентиляция ясыйсы гына калган. Пешекче дә табылса, ул августта ук ачылырга мөмкин. Кафеның туклану залы 10-12 кешегә исәпләнгән. Җәй айларында саф һавада да чәйләп алырга мөмкинлек булачак, шуның өчен биредә беседка ясарга планлыйлар, мәчет бакчасында моңа урын да бар.

Кадыйр Гомәров фотосы.

Следите за самым важным и интересным в Telegram-каналеТатмедиа