Чирмешәннән Хөснетдиновлар ярты гасыр бергә гомер итәләр
Чирмешәндә гомер итүче Әлфия һәм Исхак Хөснетдиновларны кырык елдан артык беләм. Бер чорда гөр килеп балалар үстердек. Бу күркәм гаиләдә бер-бер артлы туган дүрт кыз һәм көттереп кенә дөньяга килгән бер егет үсте. Өй тулы бала-чага, йорт мәшәкатьләренә дә карамастан, Чирмешәнгә килгән һәр театр, концертта иң алгы рәтләрдә Әлфия белән Исхак утырыр иде. Бергә киләләр, бергә кайтып китәләр.
