Чирмешәндә узган “Акыллылар ярышы” интеллектуаль уенының беренче җиңүчеләре билгеле
Финалга чыккан беренче команда билгеле Чирмешәндә “Акыллылар ярышы” интеллектуаль бәйгесенең беренче уенында район газетасы редакциясе командасы беренче урын яулап, финалга чыкты.
Әлеге конкурс районда икенче ел рәттән үтә.
–Быел бәйгедә катнашырга 55 команда теләк белдерде, – ди “Орион” яшьләр үзәге белгече Альмир Жораев. – Ноябрь аена кадәр 11 сайлап алу туры узарга тиеш, һәрберсендә бишәр команда белемен күрсәтәчәк, димәк, финалда 11 команда көч сынаша. Һәр уенда 110 сорауга җавап бирергә кирәк. Сүз уңаеннан, быел җиңүчеләрне кыйммәтле призлар көтә.
Былтыр бәйгедә иң күп баллар җыйган, Туймәт авылы командасы беренче урынга чыгып, район башлыгының күчмә Кубогы белән бүләкләнгән иде.
ФОТОРЕПОРТАЖ
Следите за самым важным и интересным в Telegram-каналеТатмедиа
Нет комментариев