Гыймадиевлар Кармышка кара каргалар килгәнен иң беренче беләләр
Кармыш авылында яшәүче Гыймадиевлар язын кара каргаларның кайчан килгәннәрен һәм, көз җиткәч, кайчан киткәннәрен төгәл беләләр.
Аларның йорты каршындагы карт тирәкләргә ел саен йөзләгән карга оя кора.
-Бу кошларга карап һава торышын да чамаларга мөмкин. Быел каргалар бик иртә кайтты. Февраль башындагы җылы көннәрдә үк күренделәр алар, - ди Илсөя Гыймадиева. – Ә инде күмәкләп бераз соңрак килделәр. Быел каргалар аеруча күп.
Күптән түгел тирәкләрнең кайберләрен киссәләр дә, кош оялары булганнарына тотынмаганнар. 25 ел биредә яшәү дәверендә Гыймадиев инде каргаларга күнегеп беткәннәр, аларның тавышларына ияләшкәннәр.
-Алар бит иртән бер шаулашып алалар да, тыналар, кырларга очалар ахры, аннан соң кичен тагын бераз каркылдыйлар, -ди ул. – Без аларга күнеккән инде, ишетмибез дә.
Марат Гомәров фотолары
Следите за самым важным и интересным в Telegram-каналеТатмедиа
Нет комментариев