Керкәле ветераннарына авылдашлары тәм-томнар тараткан
Арабызда яхшы яктан гына искә алырлык, миһербанлы, изгелекле, мәгънәле якташларыбыз байтак. Шундыйларның берсе - Фәгыйль Фәттахов.
Фәгыйль Хафиз улы һәр елны авылга кунакка кайткач, олы кешеләрнең хәлләрен белеп, күчтәнәчләр тарата. Быел да Рамазан аенда авылдашларына шундый бүләк ясады – тәм-томнар тутырылган пакет китерде.
Без – өлкәннәр моңа бик шатландык, изге теләкләр теләп дога кылдык. Кылган яхшылыклары меңе белән үзенә кайтсын, саулыкта, бәхеттә, шатлыкта гомер итсен, - дип авыл халкы исеменнән рәхмәтләрен белдерде Фәризә Галәүтдинова.
Фәгыйль Фәттахов Керкәле авылында туып үсә, армия хезмәтеннән соң туган авылында колхозда эшли, аннан читкә китә. Хәзер Себер якларында яши.
Фото: архив.
Следите за самым важным и интересным в Telegram-каналеТатмедиа
Нет комментариев