Чирмешән районыннан 79 яшьлек ветеранны "Нечкәбил"гә махсус чакырганнар

79 яшьлек Раиса Кузьминична конкурста катнашучылар арасында иң өлкәне булган, 10 бала әнисенә аерым хөрмәт күрсәткәннәр.

“Академия” концерт залының сәхнәсенә Кваковлар милли киемнәрдән, зур, тату гаиләләре белән беренчеләрдән булып чыкканнар һәм тамашачыларга “Питрау көне” күренешен күрсәткәннәр.

-Безнең чыгышны бик җылы кабул иттеләр, алкышларны кызганмадылар. Әниебез дә югалып калмады, чын артистларча үз ролен башкарды, - ди Раиса Квакованың килене, авыл мәдәният йорты директоры Лидия Квакова. - Форсаттан файдаланып, безгә чыгыш ясарга ярдәм иткән “Щелгус” ансамбле җырчыларына, күршеләргә, Әккәрәй мәктәбе дирекциясенә зур рәхмәтебезне җиткерәбез.

Әккәрәйлеләр бәйрәмнән яхшы кәеф, Диплом һәм истәлек бүләкләре белән кайтканнар.

Лидия Квакова фотолары.