Безнең Чирмешән
  • Рус Тат
  • Укучылар – актив тимурчылар

    Чирмешән лицееның 8 "а" класс укучылары - бик актив тимурчылар. Менә инде икенче ел алар Фәридә һәм Әдһәм Шараповларга шефлык итәләр. Кар явып китсә, укучылар дәресләрдән соң көрәкләрен күтәреп, аларга килеп җитәләр. Күмәк тотынгач, эш тә тиз бетә, йорт, капка төпләрен ялт иттереп куялар. Ә Фәридә апа игелекле булышчыларны рәхмәтләр...

    Чирмешән лицееның 8 "а" класс укучылары - бик актив тимурчылар.


    Менә инде икенче ел алар Фәридә һәм Әдһәм Шараповларга шефлык итәләр. Кар явып китсә, укучылар дәресләрдән соң көрәкләрен күтәреп, аларга килеп җитәләр. Күмәк тотынгач, эш тә тиз бетә, йорт, капка төпләрен ялт иттереп куялар. Ә Фәридә апа игелекле булышчыларны рәхмәтләр әйтеп, изге теләкләр теләп озатып кала.

    - Кар явып үтсә лицей директоры Марат Могыйзовка шалтыратам, укучылар шул көнне үк килеп җитә. Еш кына Марат үзе дә телефоннан хәлне белә, ярдәм кирәкмиме, дип сорый. Өй эчендәге эшләрне әкрен генә үзем дә башкарам, ә менә кар көрәрлек хәл юк шул,- ди быел 75 яшен тутыручы, пенсионер укытучы Фәридә апа Шарапова.

    Даими ярдәм итеп торучы укучыларга һәм бу эшне оештыручы лицей директоры Марат Могыйзовка, 8 "а" класс җитәкчесе Золхыя Гатинага һәм тәрбия эшләре буенча директор урынбасары Лилия Шәйхетдиновага Шараповлар бик рәхмәтле.

    Автор фотолары.

    Нравится
    Поделиться:
    Комментарии (0)
    Осталось символов: