Чирмешән районы авылларының чисталыгын комиссия тикшерә
Әмир, Шешминка авыллары, Иске Үтәмеш авыл җирлеге халкына йорт тирәләре, урамнар чисталыгы ягыннан дәгъва юк диярлек, ә менә Иске Кадида бу яктан эш күп әле.
Узган атнада район башкарма комитетының административ комиссиясе торак пунктларның санитар-эпидемиологик торышына кагылышлы 32 предписание биргән. Алар нигезендә җитешсезлекләрнең бер өлеше төзәтелгән, ягъни җыештырылмаган урыннар чистартылган, чабылмаган үләннәр чабылган.
-Күп авылларда ферма тирәләрендә җыештырасы территорияләр байтак. Иске Кади җирлеге авылларында чабылмаган чүп үләннәре күп. Дөрес, кисәтүләрдән соң, халык, авыл җирлекләре җитәкчелеге тиешле чара күрәләр, җитешсезлекләрне бетерәләр. Ә тыңламаучылар белән исә “штрафлар телендә” сөйләшергә туры килә, андыйлар да бар, - ди административ комиссия секретаре Рамилә Рәхматуллина.
Рамилә Рәхматуллина фотолары
Следите за самым важным и интересным в Telegram-каналеТатмедиа
Нет комментариев