Чирмешәнлеләрнең 160 мең сум бурычы җыелган
Чирмешән халкы, судан файдаланган өчен, “Чирмешән районы коммуналь челтәрләре” предприятиесенә 160 мең сум бурычлы. Предприятиедән алынган мәгълүматлардан күренгәнчә, бу сумма гел шул чама тора.
-Зур суммада бурычлыларны су челтәреннән өзгәнче башта хуҗалары белән сөйләшәбез, әгәр инде ышандырган вакытка бурычларын түләмәсәләр андыйлар сусыз кала, - ди предприятие директоры Ильнар Җамалтдинов. - Әлегә аңлашу табабыз кебек, ул хәлгә кадәр барып җиткән юк.
Әлеге предприятие агымдагы елның 1 гыйнварыннан район үзәгендә генә хезмәт күрсәтә башлады. Калган торак пунктларда ул бурыч авыл җирлекләренә йөкләнгән. Шулай да кайбер авыл җирлекләрендә яшәүчеләрнең әлеге оешмага бурычлары бар, аның гомуми суммасы 15 мең сум.
pixabay.com фотосы
Следите за самым важным и интересным в Telegram-каналеТатмедиа
Нет комментариев