Чирмешәндәге күпквартиралы тагын бер йорт төзекләнә

Биредә подъездларны тәртипкә китерделәр: идәннәргә плитәләр җәйделәр, стеналарны тигезләп буядылар, керү ишекләрен алмаштырдылар. Күп квартиралы бу йортның су челтәрен дә яңарттылар, гомуми электр санагачын подвалдан чыгарып фасадка урнаштырдылар. Хәзер төзүчеләр йортның түбәсендә эшлиләр, аны яңабаштан сүтеп җыеп. профнастил белән ябарга тиешләр.

Сүз уңаеннан, әлеге йортта ремонтка  2 миллион 300 мең сум акча тотылачак.

Кадыйр Гомәров фотосы