Чирмешәндә үпкә ялкынсынуы белән авыручылар күбәйгән

-Бер атна эчендә генә дә безгә пневмония белән 36 кеше мөрәҗәгать итте, - ди район үзәк хастаханәсенең баш табибы Лилия Мортазина. - Хәле авыр булган авыруларны Әлмәткә озатабыз.

Районның баш табибы сүзе буенча, чирмешәнлеләрнең күпчелеге саклану чараларына битараф карый.

-Бу – вируслы пневмония, кешедән кешегә тиз йога, саклану чараларын күрү зарур: кибетләргә, кеше күп йөри торган урыннарда маска һәм перчаткалардан йөрү кирәклеген онытмагыз! – ди Лилия Шамил кызы.

Чирмешән районында барлыгы  COVID-19ның 9 очрагы теркәлгән.

фото: архив