Чирмешәндә күл тирәсен яңарталар

Республика программасы нигезендә узган елны район үзәгендәге Җиңү паркы яңа төс алды. Биредә реконструкция – үзгәртеп кору эшләрен башкарганда, халык фикерен дә исәпкә алдылар. Моның өчен берничә тапкыр халык тыңлаулары үтте.

Шушы көннәрдә Казаннан килгән архитектор Әлфия Шәфыйкова кабат чирмешәнлеләр белән очрашып, “Күлле” паркның киләчәге турында фикер алышты һәм эскиз проекты белән таныштырды. Очрашу барышында теләкләр, тәкъдимнәр күп булды. Әйтик, кар- яңгырдан ышыкланырга урын, велосипедлар өчен махсус юл булса яхшы, диделәр. Күл тирәсендәге койма хакында да бәхәсләр туды, кемдер аны кирәк дип саный, башкалар - каршы. Ничек булса да, биредә үзгәрешләр көтелә, халык фикерендә исәпкә алачаклар.

Ландыш Зыякова фотолары