Чирмешән урманчылыгы конторасында ремонт тәмам
Урманчыларның төп административ бинасы, капиталь ремонттан соң яктырып, матурланып китте. Бина республикадан бирелгән 2 миллион 560 мең сум акчага төзекләндерелгән.
-Төзүчеләр февраль аенда килде, ә инде май ахырына эшләрен төгәлләп тә куйдылар, - ди Чирмешән урманчылыгы җитәкчесе Алмаз Мотыйгуллин. - Төзелеш үзебезнең эшләргә комачауламаслык итеп алып барылды.
Бинаның түбәсе профнастил белән ябылган, керү юлы да үзгәртеп ясалган. Контораның эче тулысынча яңартылган. Электр үткәргечләре сузып, кабинетларны һәм коридорны МДФ белән тышлаганнар, яңа ишекләр урнаштырылган, идәннәргә линолеум һәм ламинад җәелгән, түшәмнәр яңартылган. Су һәм канализация линияләрен дә яңартып ясаганнар.
автор фотолары
Следите за самым важным и интересным в Telegram-каналеТатмедиа
Нет комментариев