Чирмешән районында быел 17 аренда торагында өй туйлары узачак
Быел районда “Аренда торагы” программасы буенча төзелүче 17 йорт файдалануга тапшырылачак. Район үзәгендәге 16 квартиралы аренда йортын да җәйгә төзеп бетерергә планлыйлар.
17 аерым йортның алтысы – Күтәмәдә, бишесе – Урманасты Үтәмештә, дүртесе – Керкәледә һәм берсе Кармышта төзелә. Әлеге торакларның барысында да төзүчеләр эшли. Бу йортларның нигезләре 2018 елда корылган.
- Күтәмәдә быел алты гаилә яңа йорт ачкычларын алачак. Дүрт йорт – Аброськинская урамында, Северная һәм Бакалийная урамнарында берәр йорт өлгереп килә, - ди авыл җирлеге башлыгы Антонина Аброськина. - Йортларга электр һәм су үткәргечләр сузылган. Бер бригада газ үткәргечләр ясау белән мәшгуль. Шул ук вакытта, бер йортта штукатурлау эшләре барса, икенчесендә җылылык торбалары урнаштырыла.
Фото: автор.
Следите за самым важным и интересным в Telegram-каналеТатмедиа
Нет комментариев