Безнең Чирмешән
  • Рус Тат
  • Чирмешән районында бердәм сайлаулар көнендә 34 сайлау участогы эшләячәк

    Районда 13 сентябрьдә узачак бердәм сайлаулар көненә әзерлек бара.

    Бу көнне республикада Татарстан Президентын; Чирмешән районы да кергән 28 нче Түбән Кама сайлау округындагы өстәмә сайлауларда РФ Дәүләт Думасына депутат һәм җирле үзидарә Советлары депутатларын сайлаячакбыз.

    -Сайлауларда өч көн дәвамында 11нән 13 сентябрьгә кадәр тавыш бирергә мөмкин булачак, - дип ачыклык кертте Чирмешән районының территориаль сайлау комиссиясе рәисе Рамил Әхмәдуллин. -Бу эпидемиологик хәлгә бәйле, сайлаучыларның куркынычсызлыгы өчен шулай эшләнә.

    Реклама

    Әлеге сайлауларга әзерләнү һәм аларны үткәрү буенча районда 34 участок сайлау комиссиясе, 207 комиссия әгъзасы эшли. Быелның 1 августына районда 14600 сайлаучы исәпләнә.

    -Шунысын әйтик, муниципаль сайлауларда җирле Советларга 141 депутат сайланачак, - диде Рамил Әхмәдуллин.

    фото: архив 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: