Безнең Чирмешән
  • Рус Тат
  • Чирмешән районы балалар сәнгать мәктәбендә капиталь ремонт башланды

    Район балалар сәнгать мәктәбенә төзүчеләр килде. Биредә капиталь ремонт башлана. Төзүчеләр сүтү (демонтаж) эшләренә кереште.

    -Бинада барачак эшләр өстәмә белем алуга хилафлык китерми, - ди мәктәп директоры Наталья Иляева. - Дәресләр уздыру өчен Яшьләр үзәгендә, район мәдәният йортында һәм 1 нче Чирмешән урта мәктәбендә кабинетлар сөйләштек. Балалар бу уку елы ахырына кадәр шул формада укыячак.

    Өстәмә белем бирүче белем йортында төзелеш эшләрен 1 сентябрьгә кадәр тәмамлап, яңа уку елын төзекләндергән мәктәптә башлап җибәрергә планлыйлар.

    Реклама

    -Күләмле, кирәкле бу эшкә 15 ел элек төзелгән уку йортында республика программасы буенча, ТР Мәдәният министрлыгы аша керештек, - ди район мәдәният бүлеге начальнигы Рузилә Минхәерова. –Ремонттан соң мәктәптә шартлар тагын да яхшырыр.

    Төзүчеләр демонтаж эшләрен өченче каттан башлады. Аны яңа профнастил белән ябачаклар. Бина эчке яктан тулысынча яңартылачак: ишек-тәрәзәләр алмаштырыла, яңа электр үткәргечләре, су, канализация челтәрләре ясала, җылылык үткәргечләре яңартыла, стена, түшәм, идәннәр дә башка төс алырга тиеш. Бер үк вакытта түбәне дә сүтәргә тотыналар.

    фото: архив

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: