Чирмешәндәге өлкәннәр йорт-интернатына кунаклар килде

Элеккеге район башлыгы Минсәгыйть Шакиров биредә яшәүче әби-бабайларның берсен дә күчтәнәчсез калдырмады. Аның исеменнән азык-төлек пакетлары китергәннәр.

ТР Дәүләт Советы депутаты Рәис Сөләйманов быел да йорт-интернат өлкәннәрен шатландырган, биредә гомер итүче 62 кешегә дә бәйрәм бүләге җибәргән. Аны район башкарма комитеты җитәкчесе Илфат Шәйдуллан тапшырды һәм өлкәннәребезнең саулыкта, озын гомер итүләрен теләп, бу матур бәйрәм белән котлады. Район мәдәният йорты хезмәткәрләре моңлы җырлары, дәртле биюләре белән өлкәннәрнең кәефен күтәреп, әлеге чараны тагын да матурладылар.

Өлкәннәр бәйрәм табыны артында сыйландылар, аны көйләүчеләргә, мондый хөрмәткә, күчтәнәчләр китерүчеләргә рәхмәтләрен җиткерделәр.