«ЧИРМЕШӘНАГРО» да 1000 тонна бөртек суктыручыга премия бирелә

-Бер комбайнчы исәбендә суктырылган мең тонна бөртек җыелу белән, акчалата бүләкне кырга ук илтеп бирәбез, - ди җәмгыять җитәкчесе Илшат Гозәеров. - Ике комбайнчы бу чиккә җитеп килә.

Быел беренче сезонга чыккан “Полесье” комбайнчысы Сергей Борисов һәм “Тукано” белән идарә итүче Александр Шохиннарга моңа ирешү өчен санаулы тонналар гына калган. Хуҗалыкта көзге культуралар җыеп беткән, арпа мәйданнарының да яртысы гына калып бара. Җәмгыять кырларын дүрт комбайн иңли: берсе игеннәрне теземнәргә салса, өчесе суктыруга көйләнгән.

Кадыйр Гомәров фотосы