Чирмешән районында язгы кыр эшләренә старт бирелде

Әлеге хуҗалыкта язгы кыр эшләрен уҗым бодае участокларыннан башладылар.203 гектар мәйданда минераль ашламалар - аммиак селитрасы керткәннәр. Биредә бу культура тулаем 6610 гектарда чәчелгән.

- Язын 17 мең гектар чамасы мәйданда чәчү үткәрергә планлаштырабыз, - ди җәмгыятьнең райондагы идарәчесе Руслан Хәлиуллин. - Орлык, ягулык ягыннан проблемалар юк. 2000 тонна минераль ашлама кайтарылды, ул әле тагын 500 тоннага күбәячәк. Механизаторлар, белгечләр дә бар.

Районда тулаем 2622 гектарда күпьеллык үләннәрне, 12 мең 338 гектарда уҗым культураларын минераль ашламалар белән тукландырырга. Көздән сөрелгән 54 мең 272 гектарда дым каплатасы була. Барлык чәчүлек мәйданнар 60 мең гектар чамасы.

Фото: автор.