Безнең Чирмешән
  • Рус Тат
  • Чирмешән районында кече-ферма төзегән 14 гаилә 3 миллион 800 мең сум ярдәм алган

    Районда 1715 савым сыерына 6 миллион 294 мең 500 сум субсидия бирелде. 712 савым кәҗәсе асраучы чирмешәнлеләрнең дә исәп-хисап счетына 356 мең сум акча күчерелгән.

    -Субсидия ветеринар тикшерү узган малларга гына каралган. Шуның өчен бу ярдәм барлык сыер хуҗаларына да бирелмәде, - ди район авыл хуҗалыгы һәм азык-төлек идарәсенең финанс-икътисад бүлеге начальнигы Айсылу Гайнуллина.

    Бер сыер асраучыга – 2300, ике сыерга – 3300әр сум, өч һәм аннан күбрәк сөтлебикә тотучыларга бер баш малга 4300әр сум субсидия бирелгән. Ә кәҗәләргә бер баш өчен 500 сум ярдәм алганнар.

    Үткән ел һәм быел кече-ферма төзеп савым сыерларының баш санын арттырган 14 гаилә барлыгы 3 миллион 800 мең сум күләмендә субсидия алганнар.

    Биш ел дәвамында сыерлар санын 5 баштан киметмәү шарты белән кече-ферма төзегән 9 хуҗалык 200әр мең сум ярдәмгә сөенгән. 400әр мең сум субсидия алган тагын 5 хуҗалык мал санын 8 баштан киметмәскә тиеш була.

    Фото: архив

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: