Чирмешән районында һава торышы уракка комачаулый
Соңгы көннәрдә район хуҗалыкларында комбайннар кырга чыкмады, эшкә һава торышы комачаулый. Билгеле, яңгырлар да артык түгел, дым кирәк, чәчү үткәрәсе бар.
Район авыл хуҗалыгы һәм азык-төлек идарәсе җиткергән мәгълүматларга караганда, бөртеклеләрнең 18 мең гектарыннан (44 процент) уңыш суктырып алынган. “ЧИРМЕШӘНАГРО”да бу күрсәткеч – 58 процент. “БИО АГРО” җәмгыяте дә байтак мәйданнарны иңләде.
Уңыш ягыннан да “ЧИРМЕШӘНАГРО” алда – һәр гектардан уртача 47,8 центнер бөртек җыялар, ә “Тепсуркаев В.Ә.” хуҗалыгында – 47,2, “Ильхан”да – 40, “КүтәмәАГРОфирмасы”нда – 39, “Әккәрәй”дә – 38 центнер.
Әлегә 4382 гектар (процент) җир эшкәртелгән. Уҗым бодае һәм арыш чәчү өчен 8205 гектар җир әзерләнгән. Әлегә көзге чәчүгә керешүчеләр юк.
фото: архив
Следите за самым важным и интересным в Telegram-каналеТатмедиа
Нет комментариев