Чирмешән районы фермерлары печәнне күп хәстәрләделәр, ә менә сенаж азрак әле

Кызганыч, сенаж базларының күбесе буш.Район буенча, әлегә, 3941 тонна (15 процент) сенаж салынган. Бу эштә “Әккәрәй” җәмгыяте алда, монда сенаж запаслары 2050 тонна, ягъни планлаганның 77 проценты кадәр. 

“Сөлчә” районда иң күбе, 915 тонна печән хәстәрләгән (план 686 тонна), 1291 тонна сенаж да салганнар (тиешленең 34 проценты).
Сенаж салуда аеруча крестьян-фермер хуҗалыкларына активрак эшләргә кирәк. Печән әзерләү ягыннан аларга дәгъва юк, запаслары берничә елга җитәрлек.
Шәхси хуҗалыкларда, район авыл хуҗалыгы һәм азык-төлек идәрәсендә тупланган мәгълүматларга караганда, 16 мең 366 тонна печән әзерләнгән. Бу эш дәвам итә.