Котлыйбыз!

Тукай поселогында яшәүче Сәгыйть Сәлихҗан улы Нурхамәтовка 60 яшь тулды.

Кадерле улыбызны, абыебызны юбилее белэн тәбрик итәбез. Син шундый игелекле, ярдәмчел, олысына да, кечесенә дә кешелекле, киң күңелле, абруйлы киңәшче, гел шундый булып калуыңны телибез. Без сине ихтирам итәбез.

Сиңа исәнлек-саулык, корычтай озын гомер телибез.

Алдагы гомер юлың күтәренке кәеф белән, бәхет-шатлыкта узсын.

Киләчәктә балаларыңның, оныкларыңның игелеген, шәфкатьлелеген күреп, тормышка сөенеп, Зөмәрә апа белән пар канатлар булып яшәргә язсын.

Күркәм юбилей көнеңдә

Ихлас котлауларны юллыйбыз.

Көчле рухлы, изге күңелле,

Имәндәй нык булып кал дибез!

Иң изге теләкләр белән, сине хөрмәт итеп, Гөлсинә-Илһам, Гөлия-Фәрит, Гөлчәчәк, Гөлзидә-Искәндәр.

Безнең теләкләргә балалар һәм әти-әниләр дә кушыла.