Котлыйбыз!

Чирмешән районының Түбән Чегодай авылында туып үскән, бүген Зәй шәһәрендә гомер итүче

Равил Әнвәр улы Хәмидуллинның 27 сентябрьдә олы бәйрәме – 55 яшь тулган көне.

Хөрмәтле якын кешебез!

Сине чын күңелебездән гомер бәйрәмең белән котлыйбыз. Алдагы гомер елларын да тормыш юлларын исәнлектә, сау-сәламәт булып, бәхетле көннәрдә, шатлык белән үтәргә язсын. Киләчәктә дә туганыбыз – тормыш иптәшең Гөлфия белән парлы, тигез, матур, тыныч тормышта яшәп, барыбызны да шатландырып торырга язсын. Шулай ук балаларыңның, оныкларыңның, туганнарыңның шәфкатьлелеген, мәрхәмәтлелеген, игътибарын һәм ихтирамын тоеп яшәргә Ходай насыйп итсен сиңа.

Сабыр да син, гадел, кешелекле,

Кылган эшең бары изгелек,

Шатлыкларда үтсен сезнең көннәр,

Бәхетләрең булсын гомерлек.

Ихтирам белән, сине хөрмәт итүче туганнарың Гатиннар, Шәрифуллиннар, Гайсиннар гаиләләре.