Котлыйбыз!

Әмир авылында туып үскән,

хәзер Чирмешәндә яшәүче ФӘҮЗИЯ ШАКИР кызы ДӘҮЛӘТШИНАның

1 мартта 60 яшьлек юбилее.

Кадерле тормыш иптәшем, әниебез, әбиебез! Шушы иң гүзәл, иң күркәм бәйрәмең белән котлыйбыз. Сиңа сәламәтлек, җан тынычлыгы, озын гомер, әтиебез белән тигезлектә, балаларыгызның игелеген күреп, оныкларыгызга сөенеп, мул тормышта бәхетле гомер кичерүегезне телибез. Мең рәхмәт, әни, сиңа безнең шатлык-борчуларны йөрәгең аша үткәреп, хәзергесе көндә дә безгә булышып, ярдәм итеп торганың өчен. Киләчәктә дә бүгенгедәй шат күңелле, ачык йөзле, ярдәмчел, безне сөендереп, әти белән, безне каршы алып-озатып, кадер-хөрмәттә озын-озак яшәргә язсын.

Син өйрәттең үз үрнәгең аша

Бу тормышта яшәү серләрен.

Күпме наз һәм сөю сыйдырган бит

Безне уйлап типкән йөрәгең.

Беркайчан да авыр сүз әйтмәдең,

Киңәшләрең булды үтемле.

Шуңадыр ул, яшибез бит

Кызартмыйча синең битеңне.

Рәхмәт, әни, сиңа барсы өчен,

Тәрбияңә, биргән назыңа.

Күңел тынычлыгы юлдаш булсын

Картлыгыңның якты язында.

Иң изге теләкләр белән Фирдәвес-Рамил, Диләрә-Динар,

оныкларың Диана, Риана, Самира, Амелия.

Бу теләкләргә әтиебез Дамир, әбиебез Минзифа,

туганнарың, кодагыйларың да кушыла.