Котлыйбыз!

3 декабрьдә Халыкара сәламәтлекләре буенча мөмкинлекләре чикле кешеләр көне билгеләп үтелә

Авыруны берәү дә сорап алмый. Кемдер тумыштан Аллаһ Тәгалә язган язмышына риза булып яши, кайберәүләргә бу сынау көтмәгәндә килә. Райондашларыбызның шул авырлыкларга бирешмичә, көчле рухлы булып яшәүләре сокландыра да инде Үзебезнең кайгыртучанлыгыбыз аша, азга гына булса да, бу батыр йөрәкле затларыбызның тормыштагы авырлыкларын оныттырып торыйк, аларга шатлыклы мизгелләр бүләк итик, киләчәккә өмет, алдагы көннәргә ышаныч уятыйк! Шәфкатьлелек эше шушы бер көн белән генә чикләнмәс, алдагы көннәрдә дә дәвам итәр дигән өметтә калам.

Мәдинә Талипова,

Чирмешән районы инвалидлар җәмгыяте рәисе.