Котлаулар
Котлыйбыз!
Кадерле хезмәттәшләр һәм сәламәтлек саклау ветераннары! Ел саен июнь аеның өченче якшәмбесендә билгеләп үтелүче һөнәри бәйрәмебез - Медицина хезмәткәрләре көне белән чын күңелдән кайнар котлыйм.
Медицинаның кеше һәм, гомумән, кешелек тормышындагы әһәмияте бәяләп бетергесез. Әлеге һөнәрне сайлаган кеше фидакарьлек, шәфкатьлелек, намуслылык һәм игелеклелек кебек сыйфатларга ия булырга тиеш. Сезнең хезмәтегез кешеләргә шатлык һәм бәхет китерсен.
Табигатькә охшаш гомерләр дә,
Язлы да ул, җәйле-кышлы да.
Сездәй кешеләр булган өчен генә
Дөнья җәйле, моңлы-җырлы да.
Тормыш юлыгыз үзе җәйгә охшаш,
Яшәү генә бүләк итәсез.
Үзегезгә кайтсын шатлык булып
Мәрхәмәтле һәрбер иртәгез.
Барыгызга да нык сәламәтлек, гаилә бәхете, хезмәтегездә яңа уңышлар телим.
Рафаэль Габдрахманов,
Чирмешән район үзәк больницасы баш врачы.
Гөлсирә Шәрифуллина фотосы.
Нет комментариев